Duhanpirësit duhet të presin 15 vjet pasi të kenë lënë cigaren që nivelet e rrezikshmërisë për sëmundje të zemrës dhe sulmit në zemër të bien në nivelet normale, ka treguar një studim i realizuar së fundmi.
Studimet paraprake sugjerojnë se rreziku stabilizohet brenda pesë vjetësh, mirëpo hulumtimet e reja kanë treguar se kjo kohë mund të jetë më e gjatë.
Pas analizimit të të dhënave nga 8,700 persona në një kohë prej 50 vjetësh, hulumtuesit kanë gjetur se zemrës se duhanpirësve i duhen më shumë se një dekade që të lirohet nga dëmtimi i bërë nga nikotina, duhani dhe kemikatet tjera që gjenden në cigare.
Ky raport është i pari që ka analizuar kohën e nevojshme për ‘zhbërjen’ e dëmtimeve që i shkaktohen zemrës nga konsumimi i duhanit.
