Një ish-agjent i shërbimit sekret gjerman u dënua me një vit burg pasi tentoi të nxirrte sekrete shtetërore teksa shtirej si militant i ISIS-it permes bisedave të tij në internet.
52-vjeçari, i identifikuar vetëm si Roque M., u arrestua muaj më parë si pjesë e dyshimeve për punën e tij si “militant të infiltruar” në Agjencinë gjermane të Kundërzbulimit, por u lirua pasi sipas tyre nuk kishte mjaft prova.
Dënimi i tij u zbatua me liri me kusht, pasi prokurorët rrëzuan shumicën e akuzave, sepse nuk gjetën as edhe një provë për ndonjë komplot sulmi, apo për lidhje me grupe militante – terroriste. Në fakt, ish agjenti ishte i përfshirë në pornografi, dhe kjo mjaftoi për autoritetet gjermane që të mos dyshonin më tej për lidhje të tij me terrorin.
Vet i akuzuari tha në gjyq se ishte paraqitur si “xhihadist” për të shtyrë kohën, sepse mërzitej duke qëndruar në shtëpi.
