Presidenti i Sirisë, Bashar al-Assad, paralajmëroi perëndimin për “çmimin e lartë që do të paguajë”, sipas tij për mbështetjen e “al-Kaedës”, në konfliktin e përgjakshëm civil që mban të mbërthyer vendin prej më shumë se dy vitesh.
Ai ka cituar: “Perëndimi ka paguar kosto të mëdha për financimin e Al-Kaedës në situata të mëparshme. Sot po ndodh e njëjta gjë në Siri, Libi e vende të tjera të botës, veçse çmimi do të paguhet në SHBA dhe në Europë”, deklaroi Assad, i cili përshkroi mundësinë e humbjes së regjimit të tij si “katastrofike për të gjithë botën”.
“Për ne nuk ka asnjë opsion tjetër përveç fitores, ndryshe do të ishte fundi i Sirisë dhe sirianët nuk mund ta pranojnë këtë mundësi”.
/Ind/kohaislame
