Kryetari i Kuvendit të Kosovës, Kadri Veseli përmes një postimi në Facebook është solidarizuar me viktimat e terrorit në qytetin e Aleppos duke bërë një lidhje me viktimat e luftës së Kosovës. Ai ka thënë që edhe bota demokratike duhet të bëjë më shumë për të ndalur këtë katastrofë.
Ky është postimi i tij i plotë, i cili është i sponzorizuar:
“Aleppo na kujton të kaluarën tonë të dhimbshme. Imazhet e fëmijëve të vrarë sirianë ngjallin kujtime të hidhura për popullin tonë. Bota nuk duhet të heshtë, ashtu sikurse nuk heshti ndaj krimeve të bëra në Kosovë. Forcat demokratike të botës duhet të bashkohen dhe ta mbrojnë popullin e Aleppos.”
Ky postim është shpërndarë shumë në rrjetet sociale.
