Dy shtetas u arrestuan nga policia e Fierit, në lidhje me një vrasje të ndodhur rreth katër vjet më parë.
Operacioni i koduar “Kthesa e Gabimit”, ka çuar në pranga shtetasit Myslim Hamzai, 32 vjeç banues ne Grabjan, Lushnjë, dhe Zabit Hamzai 59-vjeç, ky shtetas ka lindur ne Grabian dhe banues në Tiranë.
Ata, raporton Starti, dyshohen se janë autor të vrasjes së shtetasi Taulant Hamzai, 18-vjeç, vëlla i njërit prej të arrestuarve, ngjarje e ndodhur më 7 gusht të vitit 2008, në vendin e quajtur rruga automobilistike në afërsi të “Tre Urave”, komuna Grabian. Pasi e kanë vrarë të riun, më pas e kanë djegur, duke humbur gjurmët e krimit.
“Ndalimi i këtyre shtetasve të cilët rezultojnë të jenë përkatësisht vëllai dhe xhaxhai i viktimës u bë për veprën penale të “Vrasjes ne rrethana të tjera cilësuese”, pasi dyshohet që në bashkëpunim me njeri-tjetrin të kenë vrarë me mjete të forta dhe më pas të kenë djegur kufomën e shtetasit T. Hamzai me qëllim mosi dentifikimin e viktimës, ngjarje kjo e ndodhur për motive të dobëta”, theksoi policia lokale.
Dyshohet se ngjarja ka ndodhur, për shkak se 32-vjeçari dyshonte se i vëllai 18-vjeç, kishte shkuar me gruan e tij./koha/kohaislame
