Falënderimi i qoftë Allahut, i cili ngriti qiejt pa shtylla dhe zgjodhi nga robërit e Tij profetë udhërrëfyes, dhe zgjodhi nga toka vende të bekuara, duke e nderuar ndër to xhaminë Al-Aksa dhe bekuar atë që është rreth saj. Paqja dhe bekimi i Allahut qoftë mbi udhëheqësin e bijve të Ademit, vulën e profetëve dhe më fisnikun që ka shkelur mbi tokë – Profetin tonë Muhamedin (paqja qoftë mbi të), familjen dhe shokët e tij. E më pas:
Ne në Këshillin e Ulemave të Palestinës po ndjekim me zemra të lënduara, me dhembje të thellë dhe me zemërim shpërthyes nga brenda, atë që po i ndodh xhamisë së shenjtë Al-Aksa nga shkeljet e përsëritura dhe të turpshme. Ditët e fundit kemi parë një sulm të egër sionist, në të cilin oborret e xhamisë së pastër u ndotën nga këmbët e pushtuesve agresorë, që nuk njohin as besë as ndershmëri, nuk respektojnë nderin e askujt dhe nuk e çmojnë shenjtërinë e vendeve të shenjta.
Krimi i urryer që u krye këto ditë të vështira me hyrjen e sionistëve në vendin e ngjitjes së Profetit (paqja qoftë mbi të), dhe shëtitjen e kriminelit Netanjahu në një tunel nën të, u shoqërua me një krim të madh: fyerje të hapur ndaj Profetit Muhamed (paqja qoftë mbi të) në oborret e xhamisë Al-Aksa. Kjo nuk është thjesht një fyerje e rastësishme, por një goditje e pabesë në zemrën e çdo myslimani dhe një sulm i hapur ndaj më të dashurit të krijesave të Allahut dhe xhamisë së Isra’s dhe Kiblës së parë. Kjo guximtari vjen si rezultat i heshtjes së regjimeve, dobësisë së umetit, dështimit të elitave dhe mungesës së qëndrimit të vendosur që i shkon për shtat pozitës së Profetit të dashur dhe shenjtërisë së kësaj xhamie të madhe.
Prandaj, ne në Këshillin e Ulemave të Palestinës, përballë këtyre krimeve, theksojmë sa vijon:
1. Dënojmë me gjithë zemër dhe me fjalët më të ashpra këtë sulm barbar sionist në oborret e xhamisë së shenjtë Al-Aksa dhe këtë krim të urryer të fyerjes së më të mirit të krijesave. E konsiderojmë këtë një agresion të dyfishtë ndaj fesë dhe vendeve të shenjta që kërkon një ngritje të përgjithshme të umetit – popuj, dijetarë dhe institucione – secili në fushën dhe përgjegjësinë e tij. Allahu thotë:
“Nuk e vlerësuan Allahun siç duhet, ndërkohë që toka tërë është në dorën e Tij Ditën e Kiametit, dhe qiejt do të mbështillen në të djathtën e Tij. I lartësuar dhe i pastër është Ai nga gjithçka që i shoqërojnë!” [Zumer: 67].
2. E mbajmë plotësisht të përgjegjshëm pushtimin sionist për këto krime dhe bëjmë thirrje që këto sulme ndaj Al-Aksas së bekuar, fyerja e Profetit (paqja qoftë mbi të), dhe vazhdimi i gjenocidit në Gaza të jenë shkëndija për shpërthim të përgjithshëm në Palestinë dhe në gjithë rajonin. Le ta dinë sionistët se pas kësaj xhamie qëndron një umet që nuk vdes. Edhe nëse zëri i tij hesht përkohësisht, ai nuk shuhet kurrë. Allahu thotë:
“Le të luftojnë në rrugë të Allahut ata që e shesin jetën e kësaj bote për jetën tjetër. Kush lufton në rrugë të Allahut dhe vritet ose fiton, do t’i japim atij një shpërblim të madh.” [Nisa: 74].
3. I bëjmë thirrje dijetarëve të umetit në lindje dhe perëndim të tokës që të kryejnë detyrën që Allahu u ka ngarkuar: të tregojnë të vërtetën, të ndalojnë të keqen, dhe të nxisin umetin për të mbrojtur Profetin e tyre (paqja qoftë mbi të), vendin e tij të shenjtë dhe gjakun që po derdhet në Gaza përpara syve të botës. Dijetari që hesht në vendin e ndihmës dhe në kohë trazirash, lëndon besueshmërinë dhe dijen e tij.
4. I bëjmë thirrje popujve të umetit të shprehin zemërimin e tyre për hir të Allahut dhe Profetit të Tij me të gjitha mjetet e mundshme. Të qëndrojnë në fushat e mbrojtjes, të bëjnë zërin e tyre të dëgjohet nga shtypësit dhe mbështetësit e tyre. Zemërimi për hir të Allahut dhe Profetit të Tij është fe, dhe mbrojtja e vendeve të shenjta është iman. Ai që hesht në kohën e krimit është shejtan i shurdhër.
5. I bëjmë thirrje institucioneve të të drejtave të njeriut dhe organizatave popullore në mbarë botën të hedhin dritë mbi atë që po ndodh në Al-Aksa. Gjithashtu i bëjmë thirrje ministrive të vakëfeve dhe çështjeve islame të marrin një qëndrim ndaj fyerjes së Profetit të umetit në xhaminë Al-Aksa.
6. I drejtojmë përshëndetje dhe nderime të mëdha popullit tonë në Gazën krenare – Gazën e trimërisë dhe dinjitetit – që ka dëshmuar herë pas here se është vija e parë e mbrojtjes për Jerusalemin dhe Al-Aksan. Gaza nuk ngurron të japë gjak dhe jetë për nderin dhe shenjtëritë e umetit.
O popull i Gazës, më fisnikët e tokës sot! Qëndrimet tuaja të larta, rezistenca juaj e bekuar dhe gjaku i dëshmorëve tuaj të pastër janë dëshmia më e vërtetë në kohën e tradhtisë, dhe përgjigjja më e qartë ndaj fyerjes së Profetit tonë dhe grabitjes së Al-Aksas. Ne jemi në rrugën tuaj, dhe përkrahësit tuaj. E nesër, padrejtësia dhe tirania do të marrin fund, dhe do të takohemi me ju në sheshet e xhamisë Al-Aksa – të lirë dhe krenarë, me vullnetin e Allahut.
Këshilli i Ulemave të Palestinës
1 Dhul-Hixhe 1446 H / 28 Maj 2025 M
