Një tjetër person është i infektuar me gripin e derrit.
Deri më tani, 4 persona kanë humbur jetën nga sëmundja e gripit të derrit në Sanatorium.
Por rasti i pestë ka ndodhur në Durrës.
Burime bëjnë me dije se bëhet fjalë për 60-vjeçarin, K. Beçka, i cili është në gjendje të rëndë për jetën dhe i veçuar prej tre ditësh nga pacientët e tjerë.
Beçka është paraqitur fillimisht në urgjencën e spitalit për ndihmë mjekësore. Më pas, është shtruar dhe nga analizat e kryera në Tiranë, ka rezultuar me një ndër variantet e gripit të derrit.
Deri më tani Ministria e Shëndetësisë dhe ISHP kanë këmbëngulur se në vendin tonë nuk ka pasur raste të gripit të derrit dhe se 4 pacientët që kanë humbur jetën kanë qenë të prekur nga gripi i zakonshëm, si dhe kanë pasur sëmundje të tjera shoqëruese.
Edhe për rastin e 60-vjeçarit në Durrës nuk ka një njoftim zyrtar nga autoritetet, të cilat po tentojnë të shprehen se situata është nën kontroll dhe nuk ka vend për alarm te qytetarët.
