Në deklaratën me shkrim të bërë nga Ministria e Jashtme thuhet se “Turqia hedh poshtë veton e SHBA-ve për projektrezolutën e paraqitur në Këshillin e Sigurimit të OKB-së nga Kuvajti, pas masakrës që u zhvillua në Gaza më 14 maj”.
Turqia reagoi ashpër ndaj ShBA-së për veton e vendosur ndaj projektrezolutës së KS të OKB-së në lidhje me palestinezët.
Në deklaratën me shkrim të bërë nga Ministria e Jashtme thuhet se “Turqia hedh poshtë veton e SHBA-ve për projektrezolutën e paraqitur në Këshillin e Sigurimit të OKB-së nga Kuvajti, pas masakrës që u zhvillua në Gaza më 14 maj”.
Në deklaratë thuhet se KS i OKB-së edhe njëherë tregoi se nuk është i aftë për të vendosur një sistem të llogaridhënies dhe të parandalimit në kontekstin e dhunës, ndërsa u vë theksi në realitetin për nevojën për ristrukturim urgjent të OKB-së.
“Nuk ka asnjë shpjegim për veton e një projekt-rezolute që dënon masakrën kundër civilëve të pafajshëm që po ushtrojnë të drejtën e tyre legjitime për protestë paqësore dhe i bën thirrje Sekretarit të Përgjithshëm të OKB-së që të paraqesë rekomandimet e tij, duke përfshirë mekanizmin ndërkombëtar të mbrojtjes, sigurinë, mbrojtjen dhe mirëqenien e palestinezëve që jetojnë nën pushtim, në Këshillin e Sigurimit të Kombeve të Bashkuara, institucioni që është kryesisht përgjegjës dhe përgjegjës për mbrojtjen e paqes, stabilitetit dhe sigurisë ndërkombëtare”, u tha në komunikatë.
Në mes tjerash thuhet se Turqia do të vazhdojë të monitorojë nga afër çështjen e kauzës palestineze në të gjitha platformat me në krye Asamblenë e Përgjithshme të OKB-së.
