RAMALLAH (AA) – Presidenti palestinez Mahmud Abbas ka thënë se asnjë shteti nuk do t’i lejojë që t’i zhvendosin ambasadat e tyre në Kuds, transmeton Anadolu Agency (AA).
“Administrata palestineze nuk do të lejojë as presidentin e SHBA-së Donald Trump dhe as presidentin e cilitdo shtet tjetër të thotë se ‘Kudsi është kryeqyteti i Izraelit’. Autoritetet palestineze do të luftojnë kundër vendimit të Trump dhe nuk do të lejojnë asnjë shtet të zhvendosë ambasadën në Kuds derisa nuk zhgjidhet çështja izraelito-palestineze”, tha Abbas në pritjen që u bëri një delegacioni të mjekëve arab në Ramallah, njoftoi agjencia palestineze e lajmeve WAFA.
Abbasi shtoi se zgjidhja mund të arrihet në një mënyrë që Kudsi Lindor t’i jepet Palestinës dhe Kudsi Perëndimor Izraelit.
“Kudsi Lindor është djepi i Islamit, Krishterimit dhe Judaizmit. Besimtarët, pjesëtarët e këtyre feve, mund të vijnë lirshëm këtu dhe të kryejnë ritualet e tyre, sepse ne që në fillim kemi thënë se Kudsi Lindor është kryeqyteti i vendit tonë dhe është i hapur për të gjitha besimet”, ka thënë Abbas.
Më 6 dhjetor 2017, presidenti amerikan Donald Trump e shpalli Kudsin si kryeqytet të izraelit. Departamenti i Shtetit paralajmëroi më pas se në maj të këtij viti ambasada e SHBA-së nga Tel Avivi do të zhvendoset në Kuds.
