Federata e Futbollit e Kosovës (FFK) nuk do të mund të organizojë më ndeshje në territorin e Zvicrës. Kështu duket se ka marrë vendim Federata zvicerane e Futbollit e cila nuk do ta lejojë kombëtaren e Kosovës dhe disa përfaqësueseve të tjera që të zhvillojnë ndeshje ndërkombëtare në shtetin helvetik.
Këtë vendimin, Federata zvicerane e vlerëson të zakonshëm, ndërsa në Kosovës, siç shkruana “Koha”, nuk kanë asnjë informacion për një sanksion të tillë.
Marco von Ah është shefi i Departamentit për media në Federatën e Futbollit të Zvicrës. Ai ka thënë se Zvicra nuk është e përgatitur të marrë gjoba nga FIFA në rast se ndërmjet dy përfaqësueseve jo zvicerane shkaktohen incidente. Sipas tij, Zvicra nuk dëshiron ta prishë imazhin me përfaqësuese, që pas vetes mund të sjellin edhe telashe.
“Fakti që Federata e Zvicrës nuk do ta lejojë Federatën e Kosovës të luaj futboll në Zvicër nuk është asgjë e veçantë, pasi që ne nuk lejojnë edhe shumë vende të tjera të luajnë në Zvicër”, deklaroi Von Ah.
Për këtë pezullim nuk kanë informacione përfaqësuesit e Institucioneve kosovare të Futbollit.
Eroll Salihu, sekretar i Federatës së Futbollit të Kosovës tha se nuk kanë marrë asnjë vendim zyrtar nga Zvicra, për anulimin e këtyre ndeshjeve. Ai tha se kjo nuk guxon të ndodhë sepse është kundër parimeve të sportit.
“Do të ishte kundër parimeve të sportit dhe kundër popullit shqiptarë që jenë në Zvicër:, deklaroi Salihu, sipas të cilit, Federata e Kosovës është federata më fer, dhe në dy ndeshjet e kaluara nuk ka ndodhur asnjë incident gjatë ndeshjeve në Gjenevë.
Ndryshe, Kosova ndeshjen e parë në nivel të përfaqësuesve të organizuar jashtë vendit e luajti në Zvicër më 25 maj të vitit të kaluar. Kjo ndeshje u luajt kundër Senegalit, ku Kosova humbi me rezultat 3:1. Pas kësaj Kosova luajti edhe një ndeshje në Zvicër kundër ekipit Wil./Albinfo
