Futbollisti i Kombëtares, Mërgim Mavraj është shumë pranë kalimit te gjigandi turk i Fenerbahçes.
Ka qenë e përditshmja “sporx.com”, e cila e ka bërë fakt të kryer kalimin e lojtarit kuqezi në Ligën turke në merkaton e janarit.
Gjithçka varet nga klubi aktual i Mavrajt, Hamburgu që ka dhe kartonin e lojtarit. “Sporx.com” ka shkruar se ekipi turk ka ofruar plot 2 milionë euro për mbrojtësin e Kombëtares.
Tani pritet të mësohet ditët në vijim, nëse klubi gjerman do t’i japë mundësinë Mavrajt të lërë Gjermaninë për të kaluar në Turqi.
