YALOVA (AA) – Kryeministri i Turqisë, Binali Yıldırım sot në Stamboll deklaroi se të gjithë anëtarët e organizatës terroriste FETO, që qëndrojnë pas përpjekjes së grusht shtetit në Turqi, një nga një japin llogari, raporton Anadolu Agency (AA).
“Për momentin, të gjithë ata që qëndrojnë pas përpjekjes së grusht shtetit individualisht japin llogari. Në fillim ata talleshin me gjyqësorin dhe gjykatat turke, ata bënë teatër në sallën e gjyqit, por le të bëjnë çfarë të dëshirojnë, gjykata merr vendime një nga një, gjithashtu një nga një vijnë edhe dënimet e përjetshme. Të gjithë ata që fshihen pas përpjekjes së grusht shtetit, individualisht do të japin llogari dhe të gjithë ata që e kanë zbatuar do të zbulohen. Gjaku i dëshmorëve tanë nuk do të mbetet në tokë”, tha kryeministri turk Binali Yıldırım.
