Vonohet lansimi i Asus PadFone!

0
47

Lajmi i fundit i cili është dhënë për Asus PadFone është ai në të cilin thuhej se pajisja e mençur mobile e Asus do të fillojë shitjen me para-porosi në Tajvan, ndërsa lansimi zyrtar pritej të bëhej më 20 prill.

Mirëpo tani sipas faqes NetBook, lansimi i PadFone në Tajvan është shtyrë, dhe se pajisja e cila është kombinim i tabletit me telefonin e mençur do të vijë në treg më 11 maj. 
 
Vonesat e lidhura me këtë model të telefonit-tablet vijnë për shkak të mungesës së procesorëve Snapdragon S4, pasi që prodhuesi, Qualcomm, është duke hasur në vështirësi ta përmbush kërkesën për procesorët e saj S4. 
 
Tani, ende nuk është bërë e qartë nëse Asus Padfone do të lëshohet në këtë datë edhe në tregun evropian dhe atë amerikan, mirëpo sa më parë që të publikohet një lajm i tillë, ne me siguri se do ta kemi të parët.