13.7 C
Pristina
Thursday, March 28, 2024

Turqia nuk trembet nga kërcënimet

Më të lexuarat

Ministri turk i Punëve të Jashtme, Mevlüt Çavushoglu, ka deklaruar se Ankaraja nuk ka frikë nga kërcënimet e presidentit të SHBA-ve, Donald Trump.
“Ne në mënyrë të përsëritur kemi thënë se kurrë nuk kemi frikë nga kërcënimet. Nuk do të arrini askund duke e kërcënuar Turqinë ekonomikisht”, tha Çavushoglu.
Komentet e kryediplomatit turk erdhën në përgjigje të kërcënimit të presidentit amerikan për të sulmuar ekonominë turke nëse Ankaraja godet grupin terrorist PKK/YPG gjatë tërheqjes së trupave të SHBA-ve nga Siria.
“Partnerët strategjikë nuk duhet të flasin përmes medias sociale”, theksoi Çavushoglu, duke iu referuar postimit të Trumpit në llogarinë e tij në Twitter.
“(SHBA) do të shkatërrojë ekonomikisht Turqinë nëse ata sulmojnë kurdët”, shkroi Trump, duke i konsideruar të njëjtë “kurdët” me PKK/YPG-në terroriste, një konfuzion që Turqia në mënyrë të përsëritur e ka kritikuar.

Çavushoglu tha se Turqia nuk është armiku i popullit kurd. Ai shtoi se ekziston një presion serioz ndaj Trumpit që të mos tërhiqet nga Siria.
Pas njoftimit të papritur të muajit dhjetor se forcat amerikane do të tërhiqen nga Siria, zyrtarët amerikanë thanë se tërheqja është e kushtëzuar nga SHBA-të që të mos sulmohen “kurdët”, duke iu referuar terroristëve të PKK/YPG-së.
Zyrtarët turq kanë kritikuar identifikimin e “kurdëve” me grupin terrorist, duke thënë se operacioni i planifikuar turk në Siri shënjestron një grup terrorist i cili në të njëjtën mënyrë i kërcënon arabët, turkmenët dhe kurdët.
Në fushatën e saj 30-vjeçare terroriste kundër Turqisë, PKK ka marrë jetën e 40 mijë personave, duke përfshirë gra dhe fëmijë. YPG/PYD është dega e saj siriane.

- Advertisement -spot_img

Më tepër

Të fundit