16.5 C
Pristina
Friday, March 29, 2024

Turqia dhe Banka Islame marrëveshje me vlerë 567 milionë dollarë

Më të lexuarat

Turqia dhe Banka Islame për Zhvillim (IDB) nënshkruan të mërkurën dy marrëveshje kreditore me vlerë totale 2,25 miliardë lira turke (rreth 567 milionë dollarë).

Marrëveshjet në emër të Turqisë u firmosën nga zv/kryeministri Mehmet Simsek, gjatë një ceremonie në kuadër të Sesionit të 33-të Ministror të Komitetit të Përhershëm për Bashkëpunim Ekonomik dhe Tregtar (COMCEC) të Organizatës së Bashkëpunimit Islam (OIC), kryesia e radhës së të cilës mbahet nga Presidenti Recep Tayyip Erdogan.

Financimet afatgjata, të cilat u siguruan përmes marrëveshjeve të nënshkruara me Bankën Islame për Zhvillim, do të përdoren në sektorët e transportit dhe energjisë.

Sipas akordit të parë, firmosur ndërmjet Thesarit të Shtetit të Turqisë dhe IDB-së, një kredi prej 1,46 miliardë lirash turke (afro 367 milionë dollarë) me maturim 20-vjeçar (5 vite pa rekurs) do të financojë blerjen e 10 grupeve të trenave të shpejtësisë së lartë në kuadër të “Projektit të Furnizimit me 106 Grupe Trenash të Shpejtësisë së Lartë”, i cili po ndërmerret nga Korporata Turke e Hekurudhave Shtetërore (TCDD).

Ndërsa akordi i dytë financues, që përfshin garancinë e shlyerjes së borxhit nga Thesari i Shtetit, u nënshkrua ndërmjet Bankës Zhvillimore të Turqisë dhe IDB-së. Sipas kësaj marrëveshjeje, një kredi prej 790 milionë lirash turke (afro 200 milionë dollarë) me maturim 20-vjeçar (5 vite pa rekurs) do të përdoret për realizimin e disa projekteve në fushën e energjisë, sidomos për efikasitetin e energjisë dhe energjinë e rinovueshme.

- Advertisement -spot_img

Më tepër

Të fundit