20.9 C
Pristina
Friday, March 29, 2024

Trump “ndez” Lindjen e Mesme! Izraeli bombardon trupat iraniane në Siri dhe aktivizon “Iron Dome”

Më të lexuarat

Një orë pasi Donald Trump njoftoi tërheqjen e Shteteve të Bashkuara të Amerikës nga ujdia me Iranin për programin bërthamor të këtij të fundit, Izraeli ndërmori një sulm të pashembullt ajror mbi Sirinë.

Mediat izraelite raportojnë se sulmi u krye në një bazë në periferi të Damaskut pasi u vu re “një aktivitet i dyshimtë” i lëvizjes së trupave atje.

Besohet se në këtë bazë janë të stacionuara trupat e Rojes Revolucionare iraniane, që janë zhvendosur në Siri në mbështetje të Bashar al-Assad.

Sulmi izraelit është konfirmuar edhe nga Siria, që thotë se sistemet e saj anti-ajrore kanë rrëzuar dy raketa, por nuk konfirmon nëse mes viktimave janë 9 ushtarakë iranianë apo jo, ashtu siç raportojnë mediat në Izrael.

Para kësaj, trupat izraelite në Lartësitë Golan janë aktivizuar në gatishmërinë maksimale dhe është urdhëruar edhe aktivizimi i të famshmit “Iron Dome”, një sistem mbrojtës antiraketë.

Shefi i Shtabit i ushtrisë izraelite, Gadi Eizenkott anuloi pjesëmarrjen në një konferencë të programuar kushtuar sigurisë dhe së bashku me ministrin e Mbrojtjes, Avigdor Lieberman mblodhën këshillin e sigurisë kombëtare.

Veç kësaj, civilëve në Lartistë Golan, që Izraeli i pushtoi nga Siria gjatë luftës së vitit 1967, por që nuk njihet ndërkombëtarisht si territor i shtetit hebre, u është kërkuar që të jenë në gatishmëri dhe të furnizojnë me ushqime strehimet kundër bombardimeve të mundshme, për të parën herë që prej nisjes së luftës në Siri.

Pas vendimit të Trump për t’u tërhequr nga marrëveshja bërthamore e nënshkruar në 2015 me Iranin, Kryeministri izraelit, Benjamin Netanjahu e përshëndeti përmes një fjalimi publik.

“Për muaj me radhë Irani po transferon në Siri armë të shkatërrimit në masë me qëllimin e vetëm për t’i përdorur ato kundër Izraelit. Ne do t’i përgjigjemi në mënyrë shembullore çdo sulmi ndaj territorit tonë”, tha ai.

Edhe në Iran reaguan pas vendimit të Trump. Presidenti Hassan Rouhani la të kuptohej se Teherani do t’i rikthehej programit të vet bërthamor për pasurimin e uraniumit.

- Advertisement -spot_img

Më tepër

Të fundit