7.9 C
Pristina
Friday, March 29, 2024

Trump autorizon Japoninë dhe Korenë e Jugut për blerjen e armëve amerikane

Më të lexuarat

Presidenti amerikan, Donald Trump, theksoi të martën në një mesazh nga rrjeti social “Twitter” se autorizonte Japoninë dhe Korenë e Jugut për të blerë armë amerikane shumë të sofistikuara në kuadër të tensioneve të rritura me Korenë e Veriut, vend që kreu provën e gjashtë bërthamore.

Donald Trump nuk saktësoi se çfarë lloj armësh mund të jenë.

Kreu i Shtëpisë së Bardhë e përmendi këtë çështje gjatë një bisede telefonike me homologun koreanojugor, Moon Jae-In.

“Presidenti Trump dha miratimin e tij në parim për blerjen nga Koreja e Jugut në SHBA të pajisjeve ushtarake dhe armëve me një vlerë prej disa miliardë dollarë”, theksoi Shtëpia e Bardhë.

Në vitet 2010 dhe 2016, Seuli bleu rreth 5 miliardë dollarë materiale ushtarake në SHBA, sipas llogaritjeve të “Stokholm International Peace Research Institute”.

Japonia është gjithashtu një prej klienteve më të mëdha të industrisë amerikane të armatimeve.

Shtetet e Bashkuara të Amerikës, së bashku me aleatët e tyre evropianë dhe japonezë, njoftuan të hënën negocimin e sanksioneve të reja të ashpra të OKB-së kundër Koresë së Veriut, por mbetet i pasigurt qëndrimi i Kinës dhe Rusisë, vende me të drejtë vetoje në Këshillin e Sigurimit.

- Advertisement -spot_img

Më tepër

Të fundit