Topi: Qarqe serbe nuk ia duan të mirën Maqedonisë

0
36

Dy presidentët Bamir Topi dhe Gjorgje Ivanov theksuan se institucionet janë përgjegjëse për tu ballafaquar me rastin e vrasjes së pesëfishtë në afërsi të fshatit Smilkovc të Shkupit. Presidenti i Shqipërisë, Topi dhe homologu i tij maqedonas Ivanov bënë thirrje për qetësi dhe përmbajtje nga qytetarët në Maqedoni, njofton KTV.

Në një konferencë të përbashkët me gazetarët në Shkup, dy presidentët nënvizuan se midis dy shoqërive nuk ka vend për vepra që mund të ndikojnë negativisht në stabilitetin e rajonit. Presidenti shqiptar duke shprehur ngushëllimet në adresë të familjeve të viktimave, tha se ky akt destabilizues duhet ti nënshtrohet një hetimi adekuat dhe të trajtohen në përputhje me ligjin.

Ndërsa presidenti Gjorgje Ivanov theksoi se institucionet shtetërore në këtë situatë po veprojnë me përgjegjësi të lartë. Presidenti Topi ka folur edhe për rolin e mediave në këtë situatë si dhe ka shprehur kritika ndaj qasjes së qarqeve serbe, që sipas tij, kanë prapavijë qëllimkeqe për situatën në Maqedoni/koha/kohaislame