Telefonata Erdogan-Obama, në fokus bashkëpunimi në luftën antiterrorizëm

0
President Barack Obama talks with Turkish Prime Minister Recep Tayyip Erdogan following the G-20 Summit afternoon session in Pittsburgh, Pa., Sept. 25, 2009. (Official White House Photo by Pete Souza) This official White House photograph is being made available only for publication by news organizations and/or for personal use printing by the subject(s) of the photograph. The photograph may not be manipulated in any way and may not be used in commercial or political materials, advertisements, emails, products, promotions that in any way suggests approval or endorsement of the President, the First Family, or the White House.

Kreu i Shtetit të Republikës së Turqisë, Recep Tayyip Erdogan, bisedoi të martën në mbrëmje në telefon me homologun e tij amerikan, Barack Obama…

Kreu i Shtetit të Republikës së Turqisë, Recep Tayyip Erdogan, bisedoi të martën në mbrëmje në telefon me homologun e tij amerikan, Barack Obama.

Presidenti në largim i Shteteve të Bashkuara të Amerikës i përcolli Erdoganit ngushëllimet e tij për viktimat e sulmeve terroriste natën e shkëmbimit të viteve në Ortakoj të Stambollit dhe të 17 dhjetorit në Kajseri, si dhe uroi shërim të shpejtë për të plagosurit.

Dy liderët theksuan gjatë bisedës telefonike se Turqia dhe SHBA-ja do të vijojnë bashkëpunimin mes tyre në lidhje me luftën kundër terrorizmit.

Barack Obama vuri në pah se SHBA-ja ka përgëzuar dhe pritur me kënaqësi përpjekjet e Turqisë me aktorët rajonalë për shtrirjen e armëpushimit në Siri në të gjitha territoret e vendit dhe për fillimin e negociatave politike ndërmjet regjimit e opozitarëve.

Në këtë bisedë telefonike, ku u morën në shqyrtim zhvillimet e fundit në lidhje me luftën kundër organizatës terroriste DAESH në Irak dhe Siri, Presidenti Erdogan dhe homologu Obama ranë dakord se Turqia dhe SHBA-ja duhet të vazhdojnë bashkëpunimin e ngushtë mes tyre rreth luftës antiterrorizëm.

Mes të tjerash, dy liderët u ndalën gjithashtu mbi çështjen e Qipros dhe uruan që procesi aktual i negociatave, i cili synon sheshimin tërësor e gjithëpërfshirës të problemit, të rezultojë duke siguruar unitetin e ishullit me një zgjidhje bizonale dhe bikomunale.