XHAKARTË (AA) – Tanku “Kaplan MT” i dizajnuar dhe zhvilluar në Turqi nga prodhuesi turk FNSS dhe kompania indoneziane PT Pindad, u prezentua në një paradë ushtarake në Indonezi, raporton Anadolu Agency (AA).
Kaplan MT, tank me peshë të mesme i cili është mjeti i parë i eksportuar në klasifikimin e tankeve nga industria turke e mbrojtjes, realizoi shfaqje demonstrative në një paradë ushtarake të organizuar në qytetin Cilegon me rastin e përvjetorit të 72-të të Forcave të Armatosura të Indonezisë.
“Është kënaqësi që ka përfunduar projekti i tankut. Ky projekt është dëshmi se ne mund të prodhojmë mjetet tona të mbrojtjes me teknologji të lartë, pa mbetur të varur nga shtetet e jashtme”, tha për AA Abraham Mose, kryetari i kompanisë idoneziane Pindad.
Tanku Kaplan MT është zhvilluar për të plotësuar kërkesën e Forcave të Armatosura të Indonezisë për koncept tankesh moderne të klasës së mesme.
Tanku ka aftësi për mbrojtje të lartë nga minat dhe raketat balistike, ndërsa përdoruesit i mundësohet që në fushëbetejë, për kohë të shkurtër të përgjigjet shpejtë me forcë gjuajtëse të mjaftueshme. Tanku po ashtu mundëson qëndrueshmëri në betejë dhe aftësi të lartë lëvizshmërie.
