Talibani vret 11 policë afganë

0
43

Një person nga lëvizja talibane, i infiltruar dhe i maskuar si polic, ka shtënë për vdekje ndaj 11 policëve afganë në provincën perëndimore të Nimrozit.
Guvernatori i Nimrozit Abdul Karim Brahavi konfirmoi se 11 policët janë vrarë “në një sulm” nga një taliban i infiltruar dhe tha se talibani u vra, pasi që policët shkëmbyen zjarr me të, transmeton REL.

Vrasjet në Afganistanin perëndimor vijnë pasi që gjashtë ushtarë nga forcat ndërkombëtare në Afganistan janë vrarë të premten nga afganët të cilët ishin duke punuar me trupat e huaj.