Studentëve me nevoja të veçanta nuk u lejohet që të kenë edhe ndihmësin brenda konvikteve
4 mijë studentë janë pranuar këtë vit në konviktet e Universitetit të Prishtinës. Por disa nga të pranuarit u ka dalë problem. Janë pikërisht studentët me nevoja të veçanta të cilëve nuk po u lejohet që në dhoma të kenë edhe përcjellësin.
Një student i verbër i cili nuk ka pranuar të flasë para kamerës së Klan Kosovës ka thënë se do ta ketë të pamundur vazhdimin e qëndrimit në konvikt nëse nuk i pranohet edhe vëllai i tij, si ndihmës.
E udhëheqësi i konviktit numër 5, Naser Kodraliu tha se udhëzuesi administrativ nuk e lejon që banorë i konvikteve të bëhet dikush që nuk e ka statusin e studentit.
