Spiunët rusë rekrutonin edhe fëmijët

0
31

Dy vjet pasi shërbimi sekret amerikan zbuloi spiunët rusë që vepronin në SHBA, në publik po dalin detajet të reja të veprimit të tyre. Një fakt shqetësues e publikoi “Wall Street Journal”, që shkruan se spiunët rusë ishin të përgatitur për çdo gjë, madje edhe për rekrutimin e fëmijëve të tyre.

Sipas burimeve të paemëruara të WSJ , dhjetëra spiunë të arrestuar rusë kishin nga shtatë fëmijë, të moshës prej një deri në njëzet vjet.

Njëri prej tyre ishte Tom Foley, prindërit e të cilit u arrestuan, ndërsa me identitet të rremë kishte studiuar në Universitetin “George Washington”. Siç shkruan gazeta, të gjithë fëmijët e spiunëve rusë kanë lindur në SHBA që të mos ekspozoheshin shumë ndaj hetimeve qeveritare, gjë që i bënte ata “material” të përsosur për rekrutim.

Edhe pse fillimisht besohej se fëmijët e spiunëve nuk ishin të njohur me aktivitetet e prindërve të tyre, burimet e WSJ vërtetojnë të kundërtën. Sipas artikullit, Foley ishte i njohur me tërë situatën dhe kishte interesim për aktivitetin e prindërve.

Avokati i prindërve të tij ka mohuar pohimet, duke thënë se mediat në publik hedhin “bërllok të rëndomtë”. /Telegrafi/kohaislame