12.6 C
Pristina
Thursday, March 28, 2024

Sinjalet që ju dërgon trupi juaj kur “vuan” mungesën e theksuar të vitaminave

Më të lexuarat

Vitaminat janë disa përbërës natyralë të pranishëm në pothuajse të gjitha ushqimet. Ndonëse në sasi të vogla ato janë thelbësore për të gjitha funksionet e organizmit, përfshirë rigjenerimin e indeve dhe mirëmbajtjen e shëndetit të njeriut.

Ato janë të ndara në dy grupe: të tretshme në ujë dhe të tretshme në yndyrë. Vitaminat e tretshme në ujë (vitamina C dhe B) janë lehtësisht të absorbueshme nga indet trupore.

Trupi i njeriut nuk mund të ruajë apo të akumulojë vitaminat e tretshme në ujë kështu që marrja e tyre ditore është e domosdoshme për të plotësuar nevojat. Vetëm vitamina B12 bën përjashtim nga ky rregull. Kurse vitaminat e tretshme në yndyrna (A, D, E dhe K) mund të ruhen në mëlçi për një kohë të gjatë kështu që marrja e tyre në një dozë të vetme është e mjaftueshme. Mirëpo kur turpi juaj nuk merr të gjitha vitaminat e duhura, trupi juaj është i pari që lëshon alarmin për ndihmë nëpërmjet 5 ndryshimeve të mëposhtme:

Mpirje gjymtyrësh: Në përgjithësi mendojmë që mpirja e gjymtyrëve të sipërm dhe atyre të poshtëm vjen si pasojë e qëndrimit pa lëvizur për një kohë të gjatë. Mirëpo, duhet të dini që ajo ndodh gjithashtu si rezultat i mungesës së vitaminave B6,B12 dhe B9 (acid folik). Këto vitamina janë shumë të rëndësishme pasi ushqejnë dhe pasurojnë me oksigjen qelizat e ndryshme të trupit dhe luftojnë veprimin e radikaleve të lira në organizëm.

Këshillë: Shtoni në regjimin tuaj ushqimor fasule, produkte deti, shpendë dhe agrume.

Rënie masive të flokëve: Të gjithëve ju ndodh që në një moment të caktuar të jetës të kenë rënie flokësh, sidomos pas dekolorimit, por nëse vini re që ju bien shtëllunga flokësh çdo ditë duhet të shqetësoheni. Mungesa e vitaminës B7 (biotina) lidhet drejtpërdrejt me këtë fenomen shumë shqetësues sidomos për femrat.

Këshillë: Krahas suplementeve që mund të blini në farmaci, ju mund të merrni vitaminë B7 duke konsumuar bajame, patate, banane dhe nënproduktet e sojës.

Kontraktime muskulare: Kontraktimet e shpeshta muskulare, edhe në rast se nuk merreni në mënyrë të rregullt me sport, nënkuptojnë se trupi juaj nuk po absorbon ashtu si duhet kalciumin, magnezin dhe kaliumin, tre prej mineraleve më të rëndësishëm që ndihmojnë në ndërtimin e indeve muskulare

Këshillë: Hani banane, kungull, mollë, fruta të thata si bajamet dhe arrat, si dhe të gjitha nënproduktet e qumështit.

Shenja të kuqe dhe të bardha në kofshë dhe duar: Prania e këtyre shenjave që në pamje të parë ngjasojnë me aknet, në duar, të pasme dhe kofshë nënkupton se trupi juaj po vuan mungesën e acideve yndyroe Omega-3 dhe vitaminave A dhe D.

Këshillë: Shmangni yndyrat artificiale dhe zëvendësojini ato me yndyna të shëndetshme dhe shtoni në regjimin tuaj sa më shumë produkte deti, sidomos salmon dhe sardele.

Të çara në skajet e gojës: Mungesa e hekurit, zinkut, vitaminave B2, B3 dhe B12 janë përgjegjësit kryesorë për shfaqjen e këtyre plagëve relativisht të dhimbshme në skajet e gojës.

Këshillë: Shtoni në dietëm tuaj mish shpezësh, peshk (salmon), vezë, fasule dhe kikirikë.

- Advertisement -spot_img

Më tepër

Të fundit