Wesley Snipes është në grupin e aktorëve ikonikë të filmave aksion, por njëherësh ai bën pjesë edhe në listën e të famshmëve që janë konvertuar në myslimanë.
Ylli hollivudian është rritur si i krishterë, mirëpo në vitin 1978 u konvertua në islam.
Mirëpo, qëndrimi i tij në këtë fe zgjati një dekadë dhe ai e braktisi atë në vitin 1988.
Megjithatë, 53-vjeçari asnjëherë nuk i harroi vlerat e kësaj feje.
“Islami më bëri të vetëdijshëm për atë që kanë arritur popujt afrikanë, më bëri të vetëdijshëm për vlerat e mia dhe më dha dinjitet për vetveten”, pati deklaruar Snipes gjatë një interviste. Ai në vitin 1988 ka lënë Islamin dhe nuk dihet se cilës fe i takon tani.
