16.5 C
Pristina
Friday, March 29, 2024

Shurupi i limonit, receta për imunitet të fortë

Më të lexuarat

Limonët, këto agrume të athëta janë shumë të mira për shëndetin e organizmit tonë.

Ndonëse limonët nuk mund t’i hamë veçmas aq lehtë sa frutat e tjera, ato kombinohen shumë mirë me çdo ushqim.

Vitaminat, sidomos ajo C, dhe mineralet janë pasuria më e madhe që na ofrojnë limonët duke u transformuar në një prej frutave më të shëndetshme.

Mënyrat e shijimit të limonit janë të shumta dhe të shëndetshme.

Limonin mund ta shtrydhni në ujë dhe ta pini në mëngjes, mund ta përdorni në sallata ose supa ndërkohë që lëkurën e tij mund ta përdorni në ëmbëlsira.

Një nga mënyrat për të garantuar përdorimin e vazhdueshëm të tij, sidomos në kuzhinë, është shurupi i limonit.

Përbërësit:
Gjysmë kilogramë limonë
5 lugë çaji limontoz
1 litër ujë
1 kg sheqer.
Përgatitja:
Futini limonët (por sigurohuni që të hiqni farat) në një mikser dhe përpunojini deri sa të grihen imët.

Në një enë tjetër të madhe, hidhni sheqerin, limontozin dhe ujin.

Përziejini mirë dhe më pas shtoni limonët e grirë imët.

Shurupi duhet të qëndojë në temperaturë ambienti për 24 orë dhe përziejeni me lugë herë pas here.

Të nesërmen, kullojeni shurupin, në varësi të preferencës tuaj.

Shurupin hidheni nëpër shishe qelqi dhe mbajini në një vend të freskët e në errësirë.

Shurupi i limonit që është plot e për plot me vitaminën C serviret i ftohtë. `

Si Ta Përdorni Shurupin e Limonit
Këtë shurup të pasur me vitaminën C ju mund ta përdorni për shumë receta të ndryshme.

Limonata, mjafton të shtoni pak ujë e akull.
Çaj të nxehtë, shurupi i jep shijen fantastike të agrumeve.
Akullorja, sidomos ajo me vanilje kombinohet shumë mirë me limonin.
Petulla por edhe ëmbëlsira të ndryshme.
Ujë, që ai të mos jetë i mërzitshëm dhe për më shumë shije.
Lëngje frutash dhe perimesh që kërkojnë limonin për një shije më të plotë./ agroweb.org

- Advertisement -spot_img

Më tepër

Të fundit