Shkon në 42 numri i të lënduarve nga shpërthimi në Ferizaj, në mesin e tyre edhe dy të mitur

0
54

Nga shpërthimi i një bombole të gazit që ndodhi sot pasdite në një lokal në Ferizaj, numri i të lënduarve ka arritur në 42.

Kështu ka bërë të ditur për Telegrafin, Major Qazim Reka nga Policia e Kosovës.

“Numri i të lënduarve nga shpërthimi i bombolës së gazit ka arritur në 42, në mesin e tyre janë edhe dy të mitur”, ka thënë Reka.

Ai ka shtuar se nga 42 të lënduar 12 prej tyre janë dërguar për në QKUK.

E plotësuar: Policia e Kosovës në rajonin e Ferizajt ka konfirmuar për Telegrafin se nga shpërthimi që ka ndodhur sot janë lënduar 31 persona.

Major Qazim Reka ka thënë se bëhet fjalë për shpërthim të një bombole të gazit.

Ai ka shtuar nga 31 të lënduarit shtatë prej tyre janë në gjendje më të rëndë dhe janë dërguar për tretman në QKUK.

Një shpërthim ka ndodhur pasditen e sotme në Ferizaj.

Sipas disa fotografive që janë publikuar në rrjetet sociale shihet se shpërthimi të ketë qenë i madh.

Policia ka dalë në vendin e ngjarjes ndërkaq nuk dihet nëse ka të lënduar.