SHBA tregon ‘dhëmbët’, fluturon me B-52 mbi Kore

0
470

Shtetet e Bashkuara të Amerikës kanë ngritur në fluturim një avion bombardues B-52 mbi Korenë e Jugut, në një shfaqje force ndaj Koresë së Veriut, e cila pretendon se ka testuar me sukses bombën me hidrogjen.

Avioni u ngrit në fluturim në një bazë ajrore pranë kufirit me Korenë e Veriut, raporton BBC.

Koreja e Veriut pretendon se ka testuar një bombë me hidrogjen, por ekspertët janë skeptikë.

Lideri i këtij vendi, Kim Jong-un tha se testimi është një akt vetëmbrojtje për të parandaluar luftën bërthamore me SHBA.

Pas testit, Koreja e Jugut riktheu transmetimet me altoparlanetet gjigande pranë kufirit.

Të dy vendet janë teknikisht në luftë, edhe pse konflikti mes tyre u mbyll në vitin 1953.

Konflikti u mbyll me armëpushim, jo me traktat paqeje.

Koreja e Veriut nuk ka reaguar ndaj fluturimeve me B-52.