12.2 C
Pristina
Friday, March 29, 2024

Serbia arreston për herë të parë të dyshuar për masakrën në Srebrenicë

Më të lexuarat

Serbia ka burgosur shtatë persona të akuzuar për përfshirje në vrasje masive të boshnjakëve nga Srebrenica në korrik 1995 – të parët e arrestuar prej Beogradit për masakrat, raportoi media.
 
Policia serbe arrestoi të mërkurën shtatë ish-luftëtarë të akuzuar për pjesëmarrje në vrasjen e mbi 1000 boshnjakëve pasi forcat serbe të Bosnjës pushtuan enklavën e Srebrenicës në korrik 1995, sipas raportimeve të medias.
 
“Është e rëndësishme të theksohet se kjo është hera e parë që zyra jonë e prokurorit po merret me vrasjet në masë të civilëve dhe të burgosurve të luftës në Srebrenicë”, zëvendës prokurori serb i krimeve të luftës, Bruno Vekaric, tha për agjencinë e lajmeve Associated Press.
 
“Nuk jemi marrë kurrë me një krim të këtyre përmasave,” shtoi Vekaric.
 
Më shumë se 7000 burra dhe djem boshnjakë u vranë pasi forcat serbe kaluan ‘zonën e sigurt’ të mbrojtur nga OKB,një krim që është klasifikuar nga vendimet e gjykatës ndërkombëtare si gjenocid./BIRN
- Advertisement -spot_img

Më tepër

Të fundit