eministri Edi Rama do të takohet sot në orën 19:00 me Presidentin e Turqisë, Rexhep Tajip Erdogan. Takimi do të zhvillohet në Tarabya Palace në Stamboll.
Takimi zhvillohet vetëm pak ditë pasi qeveria shqiptare ka miratuar vendimet lidhur me ndërtimin e aeroportit të Vlorës, i cili do të realizohet përmes investimeve turke.
Takimi në fjalë vjen në një kohë kur Shqipëria dhe Greqia pritet të nisin negociatat lidhur me përcaktimin e kufirit detar, ndërsa Presidenti Ilir Meta i ka dhënë autorizimin ministrit të Jashtëm Ditmir Bushati për plotfuqishmërinë e grupit negociator.
Ndoshta këto do të jenë ndër çështjet kryesore që Rama do të diskutojë me Erdogan, i cili mësohet se ka premtuar se do të jetë pjesëmarrës në inaugurimin e xhamisë së Namazgjasë në Tiranë.
Para takimit me Edi Ramën, referuar agjendës së bërë publike në mediat turke, Presidenti Erdogan ka pasur një takim me kryeministrin turk Binali Yildirim.
