Qeveria e Maqedonisë së Veriut në seancën e fundit që e ka mbajtur sot pasdite, ka sjellë vendim që të shpallë gjendje krize në Dibër dhe Qendër Zhupë.
Përveç shpalljes së gjendjes së krizës, Qeveria ka vendosur ta mbyllë qendrën e skijimit në Mavrovë, si dhe kalimet kufitare me Shqipërinë (Xhepçisht-Trebisht).
Nga Qeveria thonë se gjendja e krizës në Dibër do të zgjasë së paku 30 ditë, ndërsa shtojnë se do të shqyrtohet mundësia që gjendja e krizës të shpallet në gjithë territorin e vendit.
Qeveria në seancën e sotme i ka angazhuar të gjitha ministritë, drejtoritë dhe institucionet tjera shtetërore që të informojnë qytetarët në lidhje me gjendjen pas përhapjes së virusit dhe të jenë në dispozicion të tyre.
