15.9 C
Pristina
Thursday, March 28, 2024

Putin hedh poshte mundesine e sulmit kunder Isis-it

Më të lexuarat

Presidenti rus Vladimir Putin ka hedhur poshte mundesine qe Rusia te sulmoj ushtarakisht Isis-in, duke thene se Moska po shqyrton opsione te tjera. “Është e parakohshme të diskutosh një përfshirje direkte të Rusisë në aksione ushtarake kundër ISIS, aq më tepër pjesëmarrjen në koalicionin e udhëhequr nga Shtetet e Bashkuara. Për momentin Moska po vlerëson opsione të tjera”, ka dekalruar Putin për “Russia Today”.

Sipas disa mediave britanike, pamje të transmetuara nga televizioni shtetëror sirian konfirmojnë që trupat ruse po luftojnë në Siri pro regjimit të Bashar al Assad.

Ndërsa media izraelite flasin për hapjen në Damask të një baze ruse për t’i bërë kontrast avancimit të ISIS, që ndodhet gjithnjë e më pranë zemrës së pushtetit sirian. Një ditë më parë Kremlini konfirmoi asistencën ushtarake që Rusia po i ofron Sirisë, por pa dhënë detaje.

Presidenti rus propozon krijimin e një koalicioni ndërkombëtar kundër terrorizmit, duke nënvizuar se për këtë iniciativë ka diskutuar edhe me homologun amerikan Barack Obama, raporton agjencia e lajmeve “Reuters”.

“Duam vërtet të krijojmë një lloj koalicioni ndërkombëtar për luftën kundër terrorizmit dhe për këtë qëllim jemi konsultuar me partnerët tanë amerikanë. Kam folur personalisht me presidentin Obama”, ka thënë Putin.

Në kuadër të Forumit Ekonomik Lindor që mbahet në Vladivostok, shefi i Kremlinit u ka thënë gazetarëve se për të njëjtën temë ka biseduar edhe me liderët e Turqisë, Arabisë Saudite, Jordanisë dhe vendeve të tjera.

- Advertisement -spot_img

Më tepër

Të fundit