Gjatë dekadës së fundit, Julian Assange është bërë gjemb në sytë e shërbimeve të inteligjencës amerikane.
Pas arrestimit të tij nga autoritetet britanike, Departamenti i Drejtësisë Amerikane ka kërkuar që ai të ekstradohet në SHBA, shkruan Euronews.
Kjo për shkak se në vitin 2010, themeluesi i platformës Wikileaks ka publikuar 250 mijë letra diplomatike amerikane si dhe 500 mijë dokumente sekrete të autoriteteve amerikane nëpër media dhe rrjete sociale.
Në këto dokumente të publikuara u zbuluan operacionet ushtarake amerikane në Irak dhe Afganistan, të cilat brenda dhe jashtë opinionit amerikan u cilësuan si abuzime ushtarake në Lindje të Mesme.
Nëpërmjet këtyre publikimeve gjithashtu u zbulua identiteti i shumë oficerëve të inteligjencës amerikane, gjë që u cilësua si kërcënim i sigurisë kombëtare nga SHBA-të.
Julian Assange gjithashtu është i njohur për ekspozimin e mijërave e-maileve të Hillary Clinton, e cila ishte kandidate për Presidente të SHBA-ve në vitin 2016.
Ekspozimi i këtyre e-maileve e dëmtoi rëndë kredibilitetin e kandidates Hillary Clinton, gjë që rezultoi me fitim të zgjedhjeve nga Presidenti i tanishëm Donald Trump.
Ndërsa avokatët e të drejtave të njeriut thonë se ekstradimi i tij për në SHBA mund të zgjasë me vite.
https://www.youtube.com/watch?v=8oqJiNzJQ_E
