Parlamenti i Holandës voton pro vendosjes së vizave për Shqipërinë

0
37

Gati 10 vjet pas liberalizmit të vizave, një shtet anëtar i BE-së, Holanda kërkon rikthimin e tyre për Shqipërinë duke shënuar zhvillimin më negativ për lëvizjen e lirë të qytetarëve shqiptarë.

Sot Parlamenti holandez ka votuar në shumicë që t’i propozojë Komisionit Europian rivendosjen e vizave me Shqipërinë. Pas propozimeve të bëra nga partitë e shumicës qeverisëse, sot ky mocion është diskutuar në parlamentin holandez. 5 parti që kanë kërkuar në emër të grupit VVD, CDA, PVV, SP, CU, kanë bashkë 92 deputetë, nga 150 që ka parlamenti holandez.

Partia VVD, CDA dhe CU janë 3 nga 4 partitë e qeverisjes. Ministri Jashtëm Holandez vjen nga Partia VVD, ndërsa Ministri Grapperhaus (që ishte në Shqiperi) vjen nga Partia CDA. Meqenëse Holanda është pjesë e zonës Schengen, ata duhet të bëjnë një pezullim të vizave në konsensus. Pas votimit të këtij propozimi, Holanda tani do të kërkojë të përdoret ‘frenimi i emergjencës’ që mund përdoren kur cenohet siguria etj., nga një shtet i caktuar.

Një vendim i tillë ekstrem dhe kthim prapa do të diskutohet nga Komisioni Europian. Pavarësisht se është kërkesa e një vendi të vetëm, precedenti është i rrezikshëm për Shqipërinë dhe shënon hapa pasa. Në një situatë të tillë, përgjegjësia bie jo vetë mbi gjithë institucionet e qeverisë dhe konkretisht Ministrisë së Jashtme, e cila në vend të merret me problemet urgjente, shpenzon kohën me targa makinash të konsujeve.