Forcat siriane kanë përdorur armë kimike me dhjetëra herë gjatë luftës civile në vend, përfshirë sulmin vdekjeprurës që shkaktoi bombardimin amerikan.
Ky ishte përfundimi në të cilin dolën hetuesit e OKB-së, të cilët thanë se në rastin e qytetit Khan Sheikun në prill, ishte një avion sirian që lëshoi armë kimike mbi civilët duke vrarë mbi 80 vetë. Mediat raportojnë se përfundimet e hetimit janë nga më të qartat që kanë ardhur komisioni i hetimit i OKB-së për Sirinë dhe që fajësojnë drejt për drejt regjimin e presidentit Bashar al Asad.
Në raportin e komisionit shkruhet se forcat qeveritare kanë përdorur rregullisht armë kimike ndaj civilëve në zonat e kontrolluara nga rebelët dhe incidenti i khan Sheikun cilësohet si një prej më të rëndëve.
Qeveria e presidentit Bashar al Asad vazhdon të mohojë përdorimin e armëve kimi dhe në rastin e Khan Sheikun tha se bombat goditën një depo armësh kimike që i përkiste rebelëve. Por këto pretendime janë hedhur poshtë nga hetuesit e OKB-së.
