8.2 C
Pristina
Friday, March 29, 2024

Oj motër më fal por për kë zbukurohesh?

Më të lexuarat

Disa vajza kur dalin nga shtëpitë, sikur të jenë gjëra të neveritura, të cilat thërrasin në prishje dhe shkatërrim të moralit. E nëse jo, atëherë si mund të komentohet lakuriqësia e tyre rrugëve, saqë thuajse pak gjë nga trupi i tyre mbetet i pazbuluar. Dhe parfymosja e tyre, e cila i fton të tjerët në shikim dhe vështrim ndaj tyre. E pastaj pa turp në bisedat e tyre më të huajt, ndërsa Allahu (azzevexhel) ka thënë: ”Mos u llastoni në të folur, e të lakmojë ai që ka sëmundje në zemrën e tij, por thuani fjalë të matura” (Ahzabë-32)…
Kjo është përhapja e moralit të prishur, që Allahu thotë: ”Ata të cilët dëshirojnë, që te besimtarët të përhapet imoraliteti,ata i pret dënim i dhembshëm në këtë dhe në botën tjetër.” (En-Nur – 19) Ky dënim është për ata që duan të përhapet imoraliteti, e si do të jetë dënimi i atyre të cilët e përhapin atë?!..
Dhe ti do të habitesh kur do të lexosh fjalën e Allahut për besimtaret ku thotë: ”Le të mos kërcasin me këmbët e tyre, për të zbuluar fshehtësinë nga stolitë e tyre“. (En-Nur – 31) E që don të thotë se muslimanja duhet të ecë e qetë në rrugë, e të mos dëgjohet zëri i këpucëve të sajë, e të tërheqë vëmendjen e të tjerëve. Çudi! Nëse zëri i këpucëve të sajë është i ndaluar, atëherë çka mund të thuhet për atë që flet me orë të tëra me djem të huaj dhe ngritë zërin e sajë duke qeshur e bërtitur?! Dije mirë se ky është hapi i parë i cili çon në imoralitet dhe prostitucion, ndërsa Muhammedi (salallahu alejhi veselem) e mohoi imanin e atij i cili e bën këtë vepër duke thënë:”Nuk bën prostitucion njeriu e duke e bërë këtë, ai të jetë besimtar”. Dhe Allahu (azzevexhel) ka thënë:” Dhe mos iu afroni zinasë (imoralitetit),sepse vërtetë ajo është vepër e shëmtuar dhe një rrugë shumë e keqe”. (El-Isra’-32)…
E në një natë prej netëve, Muhammedi (salallahu alejhiveselem) pa në një ëndërr disa nga dënimet e mëkatarëve. Dhe në një pjesë të këtij hadithi thotë:”…dhe erdhëm afër një furre, në të cilën pamë burra dhe gra të zhveshur, të cilëve u hynte zjarri nga organet e tyre, e ata në këtë gjendje vajtonin dhe bërtitnin. (E kur i pa Muhammedi (salallahu alejhiveselem) u trishtua nga gjendja e tyre). Meleku i tregoi dhe tha: Këta janë lavirët dhe laviret”.
Dhe ka përmendur Hejtemij se në Zebur është shkruar: “Zinaqarët janë të lidhur në zjarr dhe rrihen me kamxhikë të hekurt, e kur të kërkon ndihmë ndonjëri prej tyre, atëherë u thonë melekët: Ku ishte ky zë vajtues atëherë kur qesheshe dhe dëfroheshe, e nuk kishe frikë Allahun, e as që turpëroheshe prej Tij?” Për atë edhe Muhamedi (salallahu alejhiveselem) thotë:”O umeti i Muhamedit, vallahi nuk ka kush që xhelozon më shumë se Allahu, kur një rob apo një robëreshë e Tij bëjnë prostitucion”.
E sa nga kënaqësitë e këtyre sëmundjeve kanë lënë mbrapa pikëllime të mëdha. E sa duar ngriten natën dhe sa sy lotojnë, e sa fytyra bien në sexhdeh duke lutur Allahun kundër njerëzve të kësaj sëmundje.

Shkroi: Dr. Muhamed Ari

- Advertisement -spot_img

Më tepër

Të fundit