Presidenti amerikan, Barack Obama ka qortuar republikanët amerikanë për qëndrimet ndaj presidentit rus, Vladimir Putin, pas fitores së presidentit të zgjedhur, Donald Trump në zgjedhjet e nëntorit.
Obama e ka cituar një sondazh ku thuhet se 37 % e votuesve që identifikohen si republikanë mbajnë qëndrim pozitiv për liderin rus, ndonëse 47 % e votuesve me të njejtën bindje politike kanë qëndrim tradicionalisht të keq ndaj liderit rus.
“Ronald Reagani do të rrotullohej në varrin e tij”, ka thënë Obama në konferencën e fundvitit me gazetarë të mbajtur mbrëmë në Uashington.
Ish presidenti amerikan, Reagan rregullisht e ka quajtur Bashkimin Sovjetik që udhëhiqej nga Moska, si “perandoria e të keqës”.
Presidenti i ardhshëm amerikan, Trump është tërhequr shumë nga qëndrimi i rregullt republikan duke thënë se ai ka dëshirë të ketë raporte të mira me Rusinë dhe të bashkëpunojë me Kremlinin për të mundur terroristët.
Disa republikanë në Kongresin amerikan vazhdojnë megjithatë të mbajnë qëndrim të ashpër kundrejt Rusisë.
Duke folur për çështjen e ndërhyrjes ruse në fushatën zgjedhore amerikane, Obama e ka mbrojtur fuqishëm reagimin e administratës së tij, përfshirë edhe refuzimin që para votimit të përshkruajë motivet e përfshirjes ruse apo të diskutojë tani se çfarë efekti mund të ketë pasur kjo përfshirje ruse.
Obama ka thënë se i është kundërvënë drejtpërdrejtë Putinit në një samit ndërkombëtar në muajin shtator rreth sulmeve kibernetike në fushatën zgjedhore amerikane, duke i thënë ish shefit të KGB-së, tani president i Rusisë, “ndaloje” këtë.
Obama ka nënvizuar se Shtetet e Bashkuara mund të hakmerren, duke thënë se “çfarëdo që na bëjnë, ne potencialisht mund t’iu bëjmë atyre”.
Presidenti amerikan nuk ka thënë se Putini e ka ditur për sulmet kibernetike n
