Pavel Durov, i riu 33-vjeçar që themeloi rrjetin social ‘VKontakte’ në vitin 2006, sot është kreu i aplikacionit të koduar të mesazheve.
Për tifozët e privatësisë dhe për kundërshtarët e Putinit, ai është një hero i vërtetë. Për njerëz shumë të fuqishëm, ai është një karakter i rrezikshëm. Pavel Durov, pa dyshim është një nga sipërmarrësit më të shkëlqyer në botë. Siç raportohet nga Business Insider, pavarësisht moshës së tij të re, rusi 33-vjeçar, është autori i dy goditjeve të teknologjisë së madhe në vitet e fundit: VKontakte, rrjeti social më i popullarizuar në Rusi dhe Telegrami i koduar i mesazheve. Por përtej arritjeve të tij sipërmarrëse, Durov, i riemëruar “Zuckerbergu rus”, trondit tifozët për jetën e tij të pabesueshme rebele.
“Zuckerbergu rus”
Lindur në Leningrad (sot Shën Petersburg), ai u zhvendos shumë i ri në Torino, për shkak të punës së babait të tij (profesor në Universitetin e Filologjisë). Ai ndoqi shkollën fillore në Itali përpara se të kthehej në Rusi, ku shpejt u apasionua pas informatikës, duke u bërë programues.
Lancimi i Vkontakte
Pasi la universitetin në vitin 2006, bashkë me vëllain e tij Nikolai lancoi VKontakte. Suksesi është i jashtëzakonshëm dhe gjatë viteve rrjeti social arrin 350 milionë përdorues.
Shumë shpejt, Durov i transferoi zyrat qendrore në katin e pestë dhe të gjashtë të Singer House, një pallat portik në Shën Petersburg.
Aktivizmi anti-Putin
VKontakte përdoret shumë shpejt nga protestuesit anti-Putin që organizojnë ngjarje shoqërore për të mbështetur aktivistin politik, Alexei Navalny .
Në vitin 2011, qeveria ruse imponon një kontroll mbi shoqërinë, por Durov kundërshton në mënyrën e vet, duke ndarë në internet një fotografi të një qeni që nxjerr gjuhën. Mesazhi është i qartë: sipërmarrësi nuk dëshiron t’i nënshtrohet dëshirave të Kremlinit.
Së shpejti fillon problemi për Pavel Durovin, i cili do të akuzojë Kremlinin për dërgimin e njerëzve të armatosur natën në banesën e tij për ta “zbukuruar”.
Shitja e rrjetit social
Nën presionin e shërbimeve sekrete, Paveli është i detyruar të shesë rrjetin social për investitorët e lidhur me Mail.ru, një kompani që ka lidhje të ngushta me Kremlinin.
Në vitin 2013, Pavel akuzohet gjithashtu nga policia ruse që po ndiqte një Mercedes të bardhë që ka investuar një polic në Moskë.
Biznesmeni e kupton se jeta e tij në Rusi është në rrezik dhe e lë vendin, pikërisht në ditën kur policia hyn në zyrën e tij për ta arrestuar atë.
Lancimi i Telegramit
Sipërmarrësi, së bashku me vëllain e tij, shkon në Nju Jork, ku lancon aplikacionin duke i vënë emrin “Telegram”.
Sipas ekspertëve, Pavel shpenzon 1 milion dollarë çdo 30 ditë për të mbajtur Telegramin që ende nuk gjeneron fitime, por që në vitin 2010 arriti në 100 milionë përdorues aktivë mujorë. Durov e festoi këtë rezultatin me një festë në Barcelonë.
Falë mesazheve të koduara, Telegrami është bërë me kalimin e kohës aplikacioni më i përdorur jo vetëm nga përdoruesit që kujdesen për privatësinë e tyre, por edhe nga terroristët dhe hajdutët. Kjo është arsyeja pse biznesmeni rus shpejt u bë objekt i kritikave të shumta.
Qëkur u largua nga Rusia, Paveli ka lëvizur vazhdimisht nga një qytet në tjetrin në botë dhe ka ndryshuar vazhdimisht selinë e tij. Tani me ekipin e Telegramit ai është vendosur në Dubai.
Kodi i veshjes
Paveli është i njohur për kodin e veçantë të veshjes. Ai vesh vetëm rroba të zeza, si Neo, hackeri protagonist në filmin “Matrix”.
Sipas Business Insider, sipërmarrësi ka vlerë neto prej mbi 200 milionë euro.
Përveç Putinit të lartpërmendur, Paveli numëron ndër armiqtë e tij edhe kryeministren britanike, Theresa May. Në një fjalim të bërë në janar në Forumin Ekonomik Botëror në Davos, May ka shënjestruar edhe këtë aplikacion: “Telegrami, – u shpreh kryeministrja, – është bërë shtëpia e kriminelëve dhe terroristëve”.
Akuzat e të fuqishmëve nuk duket se e ndalin atë. Përkundrazi. Sipas burimeve, Pavel Durov tashmë ka në mendje një projekt të ri revolucionar. Sipërmarrësi rus është i gatshëm të lancojë Gram, një kriptocurencë e re brenda Telegramit për të krijuar ekonominë e tij virtuale.
Përktheu: Gazeta Shqip
