Nis misioni i parë arab në Mars

0
113

Lansimi i anijes kozmike – e quajtur Amal apo Shpresë – ishte planifikuar fillimisht për 15 korrik, por u shtye për pesë ditë, shkaku i kushteve atmosferike.

Në Qendrën Hapësinore “Mohammed bin Rashid” në Dubai, burra dhe gra, të veshur ne rrobet e tyre tradicionale, e përcollën me vëmendje lansimin e raketës.

“Është ndjenjë e mrekullueshme. Po mundohemi ta përmbajmë veten, por nuk po mundemi”, ka thënë Ahmad Belhoul al-Falasi, kryetar i Agjencisë Hapësinore të Emirateve të Bashkuara Arabe.

Anija pritet të mbërrijë në Mars në shkurt të 2021-tës, vitin në të cilin Emiratet e Bashkuara Arabe i kremtojnë 50 vjet pavarësi.