Komuna e Kërçovës ka vendosur që të mos e dekoroje qytetin për Vitin e Ri. Mjetet do t`i dedikoje për familjet e varfra.
“Dekorimi i qytetit për nder të festave të funvitit, sivjet nuk është në agjendën e Komunës së Kërçovës. Shpenzimet që duhej t’i realizojmë për këtë qëllim, i kemi dedikuar për familjet në nevojë të cilat nuk janë në numër të vogël, për të ngritur kështu mirëqenien ekzistenciane të këtyre personave.
Andaj, çdo qytetar i Kërçovës që ka ndonjë ide përkatëse për stolisjen e vendeve publike, atë mund ta realizojë duke informuar paraprakisht organet kompenente të komunës.”, thuhet në njoftimin e Komunës së Kërçovës
