Imran Khan është duke shkuar për një udhëtim në “Iniciativën e Investimeve të Ardhshme” në Riad; forumi i biznesit i cili po bojkotohet në masë tëmadhe nga ndërkombëtarë pas vrasjes së gazetarit saudit, Jamal Khashoggi, në konsullatën e Arabisë Saudite në Stamboll.
Kryeministri i Pakistanit, megjithatë, nuk është në gjendje të ndjekë gjeste të tilla të mosmiratimit. Vendi i tij është në krizë të thellë ekonomike dhe ekziston një nevojë urgjente për zemër gjerësinë saudite. Dështimi për të marrë fonde nga Mbretëria dhe Kina, aleati afatgjatë i Islamabadit, do të thotë kthimi në Fondin Monetar Ndërkombëtar (FMN) për shpëtimin e 13-të, me kushte të pashmangshme të vështira, që prej lindjes së vendit 70 vjet më parë.
Duke folur për The Independent në intervistën e tij të parë me mediat e huaja që kur erdhi në pushtet dy muaj më parë, Z. Khan u përpoq të shpjegojë pse ai duhej ta bënte këtë vizitë. “Ajo që ndodhi në Turqi është tronditëse, çfarë mund të them? Jemi të tronditur të gjithë “tha ai. “Por ta lëmë këtë mënjanë, arsyeja që unë duhet ta shfrytëzoj këtë mundësi është sepse ne jemi vend prej 210 milionë banorësh dhe ne kemi krizën më të keqe të borxheve në historinë tonë”.
“Ne jemi të pashpresë për paratë,” shtoi z. Khan. “Nëse nuk marrim kredi nga vendet mike të FMN-së, në të vërtetë nuk do të kemi shkëmbime me vendet e huaja, në atë mënyër për t’i ulur borxhet tona ose për të paguar për importet tona, kështu që nëse nuk marrim kredi apo investime nga jashtë, do të kemi probleme reale, shumë reale. ”
Duke ardhur disa javë pasi ish-kapiten i ekipit të kriketit të Pakistanit fitoi fitoren e tij të papritur në sondazhe, takimi me The Independent dhe dy botime të Lindjes së Mesme ishte në kohën e duhur, tha stafi i tij pasi ai kishte kohë për të vlerësuar plotësisht çfarë duhej bërë për të përmbushur premtimin e tij zgjedhore për të luftuar varfërinë dhe pabarazinë shoqërore gjatë përpjekjes për të balancuar raportet./KohaIslame.com/
