Një çift refugjatës nga Siria kanë vendosur që ta quajnë vajzën e tyre të porsalindur Angela Merkel, në shenjë falënderimi për pritjen dhe strehimin që i është bërë në Duisburg.
“Gjermania është si një nënë për ne”, tha për gazetën “Westdeutsche Allgemeine Zeitung”, transmeton kp Alhamza Mamon, babai i vogëlushes të quajtur Angela Merkel.
Fëmija u lind në 27 dhjetor, ndërsa prindërit mbërritën në Gjermani 3 muaj më parë.
Zyrtarët e Gjendjes Civile në Duisburg nuk e kanë pasur problem ta regjistrojnë vogëlushen me emrin e kancelares.
