Ndërron jetë Murad Hoffman, ish-ambasadori gjerman që e pranoi Islamin nga një shqiptar

0
2054

Dje ka ndërruar jetë Murad Wilfried Hofmann,ish-ambasdor i Gjermanisë në Marok i cili kishte pranuar Islamin kur kishte parë një shqiptarë nga Kosova që punonte në ndërtimtari në temperatura shumë të larta dhe nuk e prishte agjërimin e tij. Ai ka shkruar disa libra për Islamin dhe nevojën që ka shoqëria për fenë Islame.

Kush ishte Dr. Murad Wilfried Hofmann?

Dr. Murad Wilfried Hofmann ka lindur në një familje katolike ne vitin 1931. Ne vitin 1957, ai ka përfunduar studimet e tij për drejtesi në Harvard dhe në Shkollën e Drejtësisë në Munih, dhe për 33 vjet ka punuar në Shërbimin e Jashtëm të Gjermanisë. Në vitin 1980, ai bëhet musliman (Sunni). U bënë protesta nga populli gjerman se si një njeri i nivelit kaq të lartë mund të përqafojë Islamin. Kur u rikthye në Islam, ai ishte anëtar i Shërbimit të Jashtëm Gjerman dhe specialist në çështjet e mbrojtjes nukleare. Që atëherë ai ka botuar një seri librash dhe artikujsh nëpër revista me tema islame. Këtu përfshihen Ditari i një muslimani gjerman, Islami si alternativë (i përkthyer edhe ne shqip nga Furkan Ism – Shkup), Udhëtimi në Mekë, dhe Islami në Mileniumin e Tretë (i botuar edhe në shqip). Ai ishte anëtar i Bordit të Drejtorëve të Universitetit Islam Ibn Rushdi të Andaluzisë, në Kordobë, Spanjë. Ai ishte anëtar korrespondent i Akademisë Studimore të Civilizimit Islam, në Amman, Mbretërinë Hashimite të Jordanisë. Ai ishte anëtar nderi dhe këshilltar i Këshillit Qëndror të muslimanëve në Gjermani (ZMD). Ai merr pjesë në konferencat e përvitshme të Këshillit të Lartë Islam të Egjiptit. Ai shërbeu gjithashtu si Drejtor i informacionit për NATO-n në Bruksel (1983-87), ambasador në Algjeri (1987-90), dhe ambasador në Marok (1990-94). Kohën e fundit Dr. Hofmann jetoi në Bonn (Gjermani), dhe jepte leksione mbi Islamin në shumë vende të botës.

Ai u nda nga jeta e kësaj bote me datë 12.01.2020