Xhibrili (a.s.) ka thënë:
“Unë jam i befasuar, si mund të ndodh që disa njerëz mund flenë të sigurt, duke e ditur se i pret zjarri i xhehenemit, dhe, gjithashtu jam i befasuar si mund të ndodh që disa njerëz mund të flenë, duke e ditur se i pret xheneti.”
Si mund ta shijojmë gjumin kur do ta kemi opsionin e xhehenemit dhe xhenetit?
Gruaja e Omer ibn Abdulazizit, thotë se një natë papritmas, ai filloi të dridhej si zog, pastaj filloi të qante dhe nuk mundi të flinte gjatë pjesës tjetër të natës.
Unë e pyeta: “Çfarë ke, cili është problemi?”
Ai më tha: “E kujtova se një ditë do të qëndroj dhe do të më thuhet që të shkoj në xhenet ose në xhehenem.”
Kjo për të cilën po flasim do të na ndodh të gjithë neve, ne do të qëndrojmë në Ditën e Gjykimit. Kur po flasim për këtë, po mendojmë se kjo nuk është e vërtetë. Si diçka në botën imagjinare. Jo! Nesër do të jetë këtu. Edhe ne do të jemi këtu. Nesër ne do të ballafaqohemi me xhehenemin ose me xhenetin. Do t’i shohim me sytë tanë. Më mirë është që të jemi të përgatitur. Kjo është e ardhmja jonë.
Ne tani po flasim për të ardhmen, po flasim për jetën e pastajme. Kjo është e ardhmja e secilit prej nesh. Shpirtrat tanë janë krijuar për përjetësi. Shpirtrat tanë nuk janë krijuar për jetën kalimtare. Ishte një kohë kur ne nuk ekzistonim. Por, pasi është krijuar ky shpirt, ai do të jetojë përgjithmonë, do të ekzistojë përgjithmonë.
Nuk do të ketë asnjë moment kur shpirti ynë do të pushojë së ekzistuari. Ai gjithmonë do të jetë aty. Shpirti ynë është krijuar për përjetësi. Do të jetojë përgjithmonë! Jetën e përjetshme!
Por ky është një terren provë, pastaj do të jetë xhehenem ose xhenet përgjithmonë.
Ata që e kanë kuptuar këtë, ata punojnë shumë në dynja. Ata punojnë shumë në këtë botë. Ata do të garojnë për Ahiret.
Allahu i Plotfuqishëm thotë:
“Për diçka të tillë, le të angazhohen punëtorët!” (es-Saffat, 61);
“Dhe për këtë, le të bëjnë gara garuesit! (el-Mutaffifin, 26)
Xhibrili (a.s.) nuk ka mundur të kuptojë se si ka disa njerëz, të cilët do të heqin dorë nga xheneti, dhe janë për xhehenem?
http://www.novihorizonti.ba//
Përkthim: Miftar Ajdini
