Mbi 30 të burgosur janë arratisur nga një burg në veri të Meksikës, në kufi me Shtetet e Bashkuara. Autoritetet thonë se të burgosurit janë larguar përmes një tuneli në burgun e Koahuilas.
Disa raporte thonë se bëhet fjalë për 100 të arratisur, por kjo shifër nuk ka qenë e mundur të konfirmohet.
Autoritetet e Shteteve të Bashkuara janë njoftuar për rastin, në mënyrë që të ndihmojnë në kapjen e të arratisurve, nëse ata kalojnë kufirin.
Në fund të vitit 2010, mbi 140 të burgosur janë arratisur nga burgu i qytetit kufitar Nuevo Laredo.
Meksika veriore është goditur rëndë nga dhuna, e cila kryesisht buron nga luftërat brutale në terren në mes të bandave të drogës. /BS/kohaislame
