Me një Benz të blinduar, me një arsenal armësh në shtëpi dhe me 4 qese me kokainë – kanë mjaftuar këto prova për t’i vënë prangat ‘të fortit” të Shijakut, 43-vjeçarit S.Gj.
Policia e Durrësit i sekuestroi gjatës një operacioni, këto prova materiale që shfaqen në foto dhe videon e mëposhtme:
4 qese të mbushura me një sasi pluhuri me ngjyrë të bardhë e dyshuar me lëndë narkotike e llojit Kokainë, të futura në një kavanoz; rreth 150 gr.
Një peshore elektronike me mbishkrimin “LAICA”;
Dy armë zjarri automatik, model 56 kal 7.62 mm;
Një armë zjarri pistolet tip “COLT’USA;
Një armë gjahu e markës “BERETTA”, kal 12 mm;
Një pistoletë sportive, tip Super Conter;
264 fishekë luftarakë mob 56, kal 7.62 mm.
95 fishekë mod 54, kal 7.62 mm;
7 fishekë pistolete, kal 45;
65 fishekë për armë gjahu, kal 12 mm;
Dy krehera automatiku, mod 56;
Një automjet tip Benz, i blinduar.
Policia thotë se materialet procedurale të saj i kaluan Prokurorisë së Durrësit për veprime të mëtejshme për veprat penale “Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe e municionit” dhe “Prodhimi dhe mbajtja pa leje e armëve të gjuetisë dhe sportive.
