13.7 C
Pristina
Thursday, March 28, 2024

Maqedonia gjykohet për shkelje të të drejtave të njeriut

Më të lexuarat

Gjykata Evropiane për të Drejtat e Njeriut ka nisur procesin gjyqësor kundër Qeverisë së Maqedonisë, e cila akuzohet për abuzime të të drejtave të njeriut të një shtetasi gjerman. Khaled el-Masri, 48 vjeç, me origjinë libaneze, është arrestuar në Maqedoni në dhjetor të vitit 2003, nën dyshimet për lidhje me sulmet terroriste të 11 Shtatorit në SHBA.

Ai është mbajtur më shumë se tre javë në Shkup, para se u është dorëzuar zyrtarëve të CIA-s. Këta të fundit thuhet ta kenë dërguar në Afganistan, ku dyshohet se është torturuar për pesë muajt e ardhshëm. CIA më vonë ka kuptuar se ka bërë gabim, duke pohuar se ka qenë në kërkim të një personi tjetër me të njëjtin emër. El Masri më pas është dërguar nga Afganistani në Shqipëri dhe është lënë në një zonë malore, pas asnjë mjet për t’u kthyer në shtëpi. Dhoma e Gjykatës Evropiane të të Drejtave të Njeriut në Strasburg ka nisur gjykimin e çështjes së ngritur nga avokatët e El Masrit, të cilët pretendojnë për shkelje të të drejtave të Konventës Evropiane me anë të torturës. Qeveria e Maqedonisë thotë se pas arrestimit të El Masrit, atij i është lejuar të shkojë në Kosovë. Por, ky pohim thuhet të jetë kontradiktor me deklaratën e ish-ministrit të Qeverisë maqedonase. Për më tepër, akuzat që bën El Masri janë konfirmuar nga Qeveria e Gjermanisë dhe privatisht nga ajo e Shteteve të Bashkuara. /REL/kohaislame

- Advertisement -spot_img

Më tepër

Të fundit