Ruksana Ali, një grua e mbuluar, tek sa po udhëtonte në një tren në Angli, mori një shënim nga një e panjohur. Mesazhi ishte i papritur dhe mjaft surprizues për të.
Në një postim në profilin e saj në Facebook, ajo tregon se kishte vënë re një grua, e cila ishte ulur pranë saj e që vazhdonte t’ia ngulte sytë. Si një grua e mbuluar me nikab ajo ishte mësuar që njerëzit ta fiksonin, prandaj dhe fillimisht nuk i dha shumë rëndësi.
Por, me t’u afruar në destinacion, në momentin që gruaja pranë po bëhej gati të zbriste, i afrohet dhe i jep një shënim.
“Fillimisht, tregon ajo, nuk e dija çfarë mund të ishte”. “Prisja të ishte ndonjë mesazh i pakëndshëm”. Por, për habinë e saj, mesazhi ishte krej i kundërt me pritshmëritë negative. Aty shkruhej:
“Ti dukesh e mahnitshme në velin tënd si Hëna e plotë në qiellin e natës,” – Alice xxx.
“Kjo më bëri të mendoj, shprehet ajo, se në botë ka akoma njerëz të mirë, të cilët të japin shpresë’.
