12.6 C
Pristina
Thursday, March 28, 2024

Kurti kërkon nga NATO të parandalojë pastrimin etnik në veri

Më të lexuarat

Lideri i Lëvizjes Vetëvendosje, Albin Kurti, të mërkurën i ka shkruar edhe Sekretarit të Përgjithshëm të NATO-s, Anders Fog Rasmusen, si dhe komandantit të KFOR-it, Erhard Drews, nga të cilët ka kërkuar, që të ndërmarrin masa të menjëhershme për t’i vendosur forcat e KFOR-it në veriun e Mitrovicës, për të parandaluar incidentet e mëtutjeshme që mund të ndodhin.

 Duke kujtuar vrasjen e Selver Haradinajt me bombë në shtëpinë e tij në Mitrovicë, si dhe incidentet e fundit në raport me Serbinë, si arrestimi i përfaqësuesit të sindikatës së pavarur të metalurgëve të Kosovës, e arrestimi i dy policëve kosovarë nga ana e xhnadarmërisë serbe, Kurti ka theksuar se populli i Kosovës është shumë i shqetësuar nga përkeqësimi drastik i situatës së sigurisë.

“Nga ne kërkohet të qëndrojmë ‘të qetë’, por ne nuk mund të jemi të qetë, duke qenë në dijeni të cënueshmërisë së skajshme të shqiptarëve që jetojnë në veri të Mitrovicës”, ka shkruar Kurti, që njëherësh është edhe deputet i Kuvendit të Republikës së Kosovës dhe kryetar i Komisionit Parlamentar për Punë të Jashtme.

Ai ka thënë se shqiptarët në veri janë pa mbrojtje institucionale dhe nën mëshirën e strukturave ilegale të Beogradit, të cilat vazhdojnë të përdorin forcën për të frikësuar shqiptarët që t’i braktisin shtëpitë e tyre. “KFOR-i është akoma përgjegjës për ofrimin e një mjedisi të sigurt për të gjithë popullin e Kosovës. Prandaj me anë të kësaj letre ju kërkoj që të merrni masa të menjëhershme për t’i vendosur forcat e KFOR-it për të parandaluar incidentet e mëtutjeshme që mund të ndodhin”.

“Është jetike të veprohet tani, për të ofruar siguri për të gjithë, dhe për të bërë të mundur që Kosova të jetë një shtet i së drejtës. Strukturat ilegale dhe kriminale të Serbisë nuk duhet të lejohen që të lënë akoma jetimë në Mitrovicë apo kudo tjetër në Kosovë”./Telegrafi/kohaislame

- Advertisement -spot_img

Më tepër

Të fundit