Kur u ndërtua Xhamia e qendrës së Tiranës?

0
71

Xhamia e Tiranës që njihet edhe me emrin Xhamia e “Ethem Beut” ka nisur të ndërtohet më 1794 dhe përfundoi më 1823 bashkë me gjithë pikturat.

Menjëherë pas ndërtimit të xhamisë, fare pranë saj u ngrit edhe Kulla e Sahatit të qytetit.

Xhamia me sallën e lutjes është e mbuluar me kupolë plumbi dhe me portikun e hapur në formë L-je të mbuluar me çati të drunjtë dhe tjegulla vendi, paraqet një rast të kristalizuar të traditës shqiptare në arkitekturën e xhamive.

Xhamia e Tiranës është gjithashtu një dëshmi historike e zhvillimit ekonomik dhe shoqëror që e karakterizoi Tiranën gjatë shek. XVIII-XIX.